2019 جىلى الماتى قالاسىندا 2 478 دانا ورتاق ەسەپتەۋ اسپابى ورناتىلماق.

بۇل تۋرالى الماتى قالاسىنىڭ وڭىرلىك  كوممۋنيكاسيالار قىزمەتى الاڭىندا حابارلادى.  

دەپارتامەنت باسشىسى بولات قۋانىشبەك ۇلىنىڭ ايتۋىنشا، زاڭناماعا سايكەس، تاريفتەردىڭ ايقىندىعى جانە الدىن الا بولجامدىلىعى ءۇشىن مونوپوليست ءوز قىزمەتتەرىن 5 جانە ودان جوعارى جىلدار مەرزىمىنە بەكىتىلگەن تاريفتەردىڭ شەكتى دەڭگەيلەرى بويىنشا كورسەتۋى مىندەتتى. 

وسىعان بايلانىستى، ۋاكىلەتتى ورگانمەن «الماتى جىلۋ جۇيەسى» ج ش س قىزمەتتەرىنە قولدانىستاعى تاريفتەن 10،4% وسۋىمەن 2017 جىلدىڭ 1 ساۋىرىنەن باستاپ قولدانىسقا ەنۋىمەن 2017-2021 جىلدارعا ارنالعان تاريفتەردىڭ شەكتى دەڭگەيلەرى بەكىتىلدى. كەلەسى كەزەڭدەردەگى تاريفتەر 2018 جانە 2021 جىلدار ارالىعىندا جىل سايىن وزگەرەدى.  

كاسىپورىننىڭ ارنايى تەحنيكالاردى جاڭارتۋى ارقاسىندا اۆاريالاردى توقتاتۋ 17%-عا ازايدى، ءبىر كۇندە 600 ادامعا دەيىن قىزمەت كورسەتە الاتىن قازىرگى زاماننىڭ «تۇتىنۋشىلارعا قىزمەت كورسەتۋ ورتالىعى» اشىلدى، نورماتيۆتىك تەحنيكالىق ىسىراپتار 16،4%-دان 15،6%-عا دەيىن قىسقاردى. 

ءوندىرۋشى جانە جابدىقتاۋشى ۇيىمداردىڭ تاريفتەرىنىڭ ايىرماشىلىعىن جابۋ ماقساتىندا 1،3 ملرد.تەڭگە كولەمىندە قاراجات ىزدەستىرىلدى، جەرگىلىكتى بيۋدجەتتەن 1،9 ملرد.تەڭگە ءبولىندى. 

الماتى قالاسىنا ارنالعان گازدىڭ باعاسىنىڭ ەڭ جوعارى ەكەنىنە قاراماستان، قازاقستان بويىنشا ءبىز 12 ورىندامىز،-دەپ ايتىپ ءوتتى ول ءوز سوزىندە. 

قولدانىستاعى زاڭناماعا سايكەس، 2012 جىلدان باستاپ جىلۋ ەنەرگياسىنىڭ تاريفتەرى ورتاق ەسەپتەۋ اسپابىنىڭ بولۋى جانە بولماۋىنا بايلانىستى ديففەرەنسيرلەنگەن. وسىعان بايلانىستى، ەسەپتەۋ اسپاپتارى جوقتارعا ەسەپتەۋ اسپاپتارى ورناتىلعاندارعا قاراعاندا 36%-عا جوعارى تاريف قولدانىلادى. 

الماتى قالاسىندا 4262 ۇيدە جالپى سانى 5282 جىلۋ ەنەرگياسىن ەسەپتەۋ اسپاپتارى ورناتىلعان. ول قاجەتتى ەسەپتەۋ اسپاپتارىنىڭ 69،6% قۇرايدى.  

سونىمەن قاتار، اسپاپتارى جوقتارعا 1 م2 ءۇشىن اقى مولشەرى سىرتقى اۋانىڭ تەمپەراتۋراسىنا بايلانىستى، جانە دە باسقا ايلارعا قاراعاندا قاڭتار ايىندا ەڭ جوعارى. 

اتاپ ايتقاندا، بۇرىن «الجج» ج ش س وەا ورناتقاندا تولەم بويىنشا 1 جىلعا دەيىن ءبولىپ تولەۋدى قاراستىرعان بولسا، «تۇرعىن ۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق شارت جاسالعاننان كەيىن مەرزىمى 4 جىلعا دەينىگى ءبولىپ تولەۋ ىسكە اسىرىلادى.  

2019 جىلدىڭ سوڭىنا دەيىن 2 478 دانا مولشەرىندە جالپى باعاسى 2 ملرد.تەڭگەنى قۇرايتىن وەا ورناتىلماق.  

جانە دە، 2017-2018 جىلداردىڭ جىلىتۋ كەزەڭى ءۇشىن حالىققا قايتا ەسەپتەۋ 2018 جىلدىڭ ماۋسىم ايىندا جۇرگىزىلەدى، - دەپ باياندادى دەپارتامەنت باسشىسى بولات سامبەتوۆ.